Source:http://dayakbaru.com/weblog08/
Engka enda salah penemu aku enti aku nyebut, semoa penusah begempong tu nyadi ba bansa kitai - Dayak kelebih agi kitai Iban empu kediatu, nya endang sengaja di pun ka bansa bukai awak ka kitai Iban enda begempong. Perunding ke kitai dalam2 semoa laya ti nyadi ba tiap2 parti ti betulang ka kitai Iban..
Nyallau Independent vs Jawah BN ( Sapa sponsor?)
Maia Nyallau ke ngelaban Jawah ba parlimentiary elec. suba, ukai nya penyakal Jawah (PBDS. Tak agi terang2 Nyallau, ngena tiket bebas ngelaban perintah - Jawah. Dini Nyallau bisi duit ngemaioh nya deh? Berani iya bediri di enti nadai orang ’sponsor’? Sapa2 pan orang ti ’sponsor’ iya, orang nya sigi betuju ka meda kitai Iban bepecah.
Nya siti ari seribu chunto nama kebuah kitai iban tusah amat begulai. Iya kebukai, sigi tegal ari cara enggau gaya kitai iban berunding. Kelalu mudah ‘geledi’ ninga jako puji enggau jako acuk orang.
Minta puji lalu jampat ringat
Enti orang muji kitai berani, lalu asai ka ngering ka diri ga kitai iban. Uji kitai berati ka ulah bansa kitai maia beirup ka ai bisa. enda tau dipuji-tak enda be ai amat ngelanggak langkau penoh gelas. Pia ga maia bepakai ka utai pedas - kacang/cabi. Ti puji orang: nakal amat iya tu - Iya pan lalu negam penegam cabi. Berebujoh ai mata, tat ka meh. Malu enti orang nemu iya enda nakal makai cabi..
Nyamai di sabong orang
Point aku, enti ba utai mit baka tu kitai senang2 kena panjuk orang, nama agi ba utai ti besai baka ba dunya politik!
Orang ti udu bekedar ke lengan, bepandam ka mija enggau betikau ke utai, bansa orang nya sigi mudah amat di acuk orang ti ngambi peluang atas sida. Uji perati ka ulih kitai empu.
Ba menoa Iraq, lebuh ditikau orang nikau enggau kasut, silat Bush aja.
Nama kebuah iya enda malas enggau kasut deh? Takut Bush pia? Enda ringat Bush pia? Salah nya akih. Naka pengeringat Bush tang iya nemu: billion orang meda ulah iya enti iya malas. Uji ti kitai iban, bedau terengkah kasut ba kening udah buka spring 12, cabut iya mikrofon kena iya malas. Sapa meda? semoa dunya meda kitai iban tak tekenyit enda tentu pasal.
Darah Apai Saloi..!!!
Nya kebuah, enti kitai Dayak - Iban agi bisi darah apai saloi/sali ba kitai, Enti kitai enggai ngubah diri, agi ngeletak penyalah semina ba bau orang bukai, enda tuchi ati maia ngereja pengawa, mudah amat ninga jako acuk orang, Parti nama pan di tumbuh ka, pan sama nasib enggau tudah SNAP, PBDS enggau sida kebukai.
Agi belayak udah ngundi
Kami di menoa din, sida ka enda sama ‘pangkah undi’ tu kemari, sebulan tu tak engka enda bejako enggau sama diri di ruai tanju enggau endor bukai.
Gawai ila bedau meh temu suman telih pangan diri? Sapa salah ba senentang nya? Ari ni pun iya?
ketegal dua iti parti ti berebut ka megai kuasa. Nama ambi belaya deh? pulai ngagai cerita makai cabi tadi..
Bala candidate BN tauka PKR kada enda udah beberap diatu deh, ninggal ke orang rumah panjai silau ka sama diri ;aki, ini, apai, indai, mentua, menantu, uchu, ambu..
Posts
No comments:
Post a Comment